طريقه عمل الاكلير
اليك طريقه عمل الاكلير نقدمها لكي بطريقه سهله وبسيطه بحيث يمكنك صنعها
في اي وقت والاكلير من الحلويات الغربيه لكنه مطلوب جدا في المطبخ الشرقي لذا نقدم لكي طريقه عمل الاكلير
طريقه عمل الاكلير
حلوي الاكلير
المكونات
اولا مكونات العجينه
كوب دقيق
1كوب مياه
ربع كوب زبده
3 بيضات
معلقه صغيره فانيليا سايله
نص معلقه صغيره ملح
ثانيا مكونات الحشو
كوب حليب
صفار 3 بيضات
رشة ملح
نص معلقه صغيره فانيليا سايله
ربع كوباية سكر
2 معلقه كبيره نشا
ثالثا مكونات الشكولاته
ربع كوباية كريمة خفق
نص كوباية شوكليت شيبس او شوكولاته خام
معلقه صغيره عسل
- 1معلقه صغيره فانيليا سايله
طريقه التحضير
اول حاجه نجهز الحشوه، نسخن كوب اللبن على النار لحد ما يسخن شويه بس مش هنخليه يغلي.
في طبق غويط نخفق صفار البيض مع السكر والنشا والفانيليا ونركنه على جنب.
نحط الحليب على الصفار مع التحريك السريع بالمضرب السلك.
ثم نحط الخليط على النار ونقلب بس لحد ما الكتل تختفي ويتقل.
نرفعه من على النار ونسيبه لحد ما يبرد ولازم نغطيه بنايلون
ستريتش او كيس بلاستيك عشان( مايعملش قشره )ويفضل كريمي.
- في حله على النار نحط المياه مع الزبده لحد ما تغلي.
- ينخل الدقيق ونضيفله الملح وننزل بيه على المياه والزبده
مره واحده ونقلب بسرعه بمعلقه خشب لحد ما الدقيق يختفي خالص والعجينه تبقا متماسكه.
نرفعها من على النار ونسيبها تبرد حوالي 5 دقايق.
بعد ذلك نحط بيضه واحده مع معلقة الفانيليا ونخلطهم كويس لحد ما البيضه تختفي.
نحط البيضه التانيه ونقلب لحد تختفي والبيضه التالته بنفس الطريقه.
يسخن الفرن على 200 درجه.
طريقه تحضير حلوي الاكلير
نجهز صينيه كبيره ونفرد فيها ورق زبده
تشكل العجينه بايدينا بالطول زي العيش الفينو او نحط العجينه في القمع ونشكلها صوابع طويله ونرصها في الصينيه.
بعد ذلك ندخل الصينيه الفرن على درجة حراره 200 لمدة 25 : 30 دقيقه وبعد مايستوي ولونه يبقا دهبي نطفي الفرن ونسيبه 5 دقايق والفرن مطفي ومقفول وبعدين نخرجه من الفرن ونسيبه يهدا من الحراره تماما
ثم نفتح صوابع الإكلير بسكينه مشرشره من الجنب زي السندويتش ونحشيها بالكاستر باستخدام القمع.
تجهيز صوص الشوكولاته للتزيين: نخلط الكريمه مع العسل والفانيليا ونحطها على النار لحد ما تسخن،
نرفعها من على النار وننزل عليها بالشوكليت شيبس او اي نوع شوكولاته تحبوه ونقلب بسرعه لحد ماتدوب خالص.
نغطي صوابع الإكلير من فوق بصوص الشوكولاته ولما الصوص ينشف على الاكلير
ممكن تسيحوا شوكولاته بيضا على حمام مائي وتعملوا بيها خطوط زي مانتوا شايفين كده وبالهنا والشفا.
ودا لينك قناه اليوتيوب
