نتكلم بالعامية …عاوزين نتعرف …بتكون حريصين بالتعرف على الآخرين ونعرف تفاصيل كتير عنهم ،وممكن نحفظهم عارفين العيوب والصفات بيحب ايه ومايحبش ايه ،،وننصح ونوجه ونقول انتقادات ونلوم ونوبخ ، ونؤمر وننهى بنمارس حاجات كتير على الآخرين بالرغم اننا اولى نعمل كده مع أهم واحد فى حياتك ، نفسك .أيوة انت انت اهم حد فى حياتك …..اعرف تفاصيلك اعرف نفسك ،، انت عارف صفاتك صح وعارف كمان عيوبك لدرجة أنك بتتكلم عنها عادى وتقول اصلى انا كذا اصل انا بانسى اصل انا مش مركز اصل انا الزهايمر اصل انا مااعرفش اعمل كذا غير تحت ضغط ..وامثلة كتير …وتتباهى وتتفاخر بعيوبك كأنك ملتصق بها معندكش استعداد تتخلى عنها …الأدهى من ده انت عارف بتحب ايه وماتحبش ايه ومع ذلك بتتكلم عن ال مش بتحبه اكثر ..اصل انا ماباحبش كذا اصل انا ماباحبش فلان أو فلانة …ليه بنتعامل على مالاتريد بثقة وعشم خايفين يفلتوا مننا ،،،نيجى بقي لنقطة مهمة الخوف بنتكلم عن الخوف كالبطل ال مش بيخذلنا ابدا الخوف له طريقه للتعامل معه عشان يتبخر ويتلاشى تماما ويصبح خوف صحى وليس مرضى يحفزك للاحسن للاحسن والافضل ..هنتكلم عنها بالتفصيل ،،،،،الكبيرة بقي ال قلت اتكلم عنها فى الاخر الا وهو الاكتئاب ،فخر الصناعة المحلية هو اى حاجة تبقي اكتئاب هى اى احساس عرضى يبقي مرض ..مرض الاكتئاب ده مارد كبير يدمرك لو استولى عليك ياللا السلامة ،، مشاعرنا طبيعية مضايق شوية هتزول محبط طبيعى نتيجة محاولات فشلت أو كلام مدمر أو ناس مصاصى الطاقة شئ وارد برضه هيزول ،،، شعور بالرفض أو الخذلان أو الغضب أو الحزن كلها مشاعر سلبية لما نعرف نتعامل معاها ازاى تتحول لطاقة ايجابية ،،فين بقي الاكتئاب …
خلاصة الكلام عاوزين نتعرف على نفسنا ونعرف ازاى نتعامل معاها ونعرف نحقق احلامنا ونتعامل مع المحبطين والشخصيات الصعبة عشان محدش يتخطى حدودك …ممكن نتعرف
