طريقه عمل البط المحشي
البط من اكثر الاكلات حبا وتناولا خصوصا في شهر رمضان الكريم ودائما تبحث عنه السيدات خلال
اوقات العزومات وذلك لانه من الاكلات المميزه خلال هذه الاوقات اليكم طريقه عمل البط المحشي
البط المحشي
المكونات
1 بطة
½1 كوب فريك مغسول
½ ملعقة سمن
2 بصلة مفرومة
1 ملعقة صلصة طعام
ملعقة كبيرة ملح –1ملعقة صغيرة فلفل
1 ملعقة صغيرة مستكة – 3 حبهان – 1ملعقة صغيرة ورق لورا
للوجه : 2 ملعقة زيت – 1ملعقة مربى مشمش مصفاة
1ملعقة صغيرة صلصة طماطم – 1 ملعقة كبيرة عصير برتقال
للتزيين : وحدات من البطاطس المسلوقة – فواكه حسب رغبتك
طريقه التحضير
1- احضري البطة ونظفيها جيداً واغسليها وتبّليها من الداخل بالملح والفلفل.
2- شوّحي كبدة البطة في ملعقة ضغيرة سمن ثم تبّليها بالملح والفلفل وقطّعيها مكعبات صغيرة عندما تبرد.
3- قلّي البصلة في ملعقة كبيرة سمن حتى يصبح لونها ذهبياً ثم اضيفي الفريك المغسول وقلبيه على نار هادئة لمدة 5 دقائق.
4- اضيفي قليل من الماء وصلصة الطماطم ثم تبّلي الخليط وغطيه واتركيه على نار هادئة (مع رفع الغطاء من وقت لآخر واضيفي
القليل من الماء كلما احتاج الامر حتى يلين الفريك
5- ثم ارفعي الفريك من على النار ثم اضيفي اليه مكعبات الكبدة واتركيه حتى يهدأ.
6- بعد ذلك احشي البطة بالحشو السابق وكتفيها واسلقيها في طنجرة مع إضافة بصلة لماء السلق، ملح، فلفل، حبهان، مستكة وورق لورا.
7 –ارفعي البطة من ماء السلق عندما تنضج حتى تبرد.
8- لتحضير الصلصة للوجه: احضري وعاء صغير وضعي الزيت، مربى المشمش، صلصة الطماطم وعصير البرتقال وقلبيهم جيداً.
9- احضري صينية مدهونة بالزيت وضعي البطة وادهنيها بالصلصة جيداً بحيث تغطيها تماماً وضعي معها بطاطس مسلوقة.
10 – ثم ادخليها الفرن تحت الشواية حتى تأخذ لون ثم قدميها.
طريقه عمل البط المحشي
طريقه عمل الحمام المحشي رز
المكونات
زوج حمام
كوب كبير أزر مصري مغسول ومُصفّى
بصلة كبيرة مقطّعة قطع صغيرة جدا
ملعقة صغيرة فلفل أسود حب
2 معلقة كبيرة سمنة
عصير 3 ليمونات
2 فص حبهان
ورقة لاورا
ملح وفلفل
كوب دقيق
بهارات
طريقه التحضير
1- اغسلي الحمام كويس من جوه ومن بره بالميه، وانقعيه لمدة ساعة في الدقيق وعصير الليمون.
2- بعد كده اشطفيه كويس جدا بالميه، واعملي فراغ بين الجلد واللحم بحرص شديد بحيث إن الجلد ما يتقطّعش منك.
3- تبّلي الحمام بالملح والفلفل من جوه وبره وبين الجلد واللحم ومنطقة الرقبة، وسيبيه لمدة نصف ساعة علشان يتبّل كويس.
4- وفي الفترة دي، ابدئي في تجهيز حشو الحمام؛ بإنك تقطّعي كبدة الحمام قطع صغيرة جدا، وتخلطيها مع البصلة وتضيفي عليهم بهارات اللحمة والملح والفلفل وملعقة السمنة وتقلّبيهم كلهم مع بعض كويس.
5- شوّحي خليط الكبدة والبصل على النار لمدة 10 دقايق مع التقليب المستمر، وبعد كده ضيفي عليه الرز، وقلبيهم كلهم مع بعض لمدة 10 دقايق كمان، وبعد كده ضيفي عليهم الميه، وسيبيهم على النار لغاية ما الميه تغلي، وبعد كده هدّي النار، وسيبيه لمدة ربع ساعة علشان الرز يتشرّب ويستوي.
6- بعد كده، ابدئي في حشو الحمام بخليط الرز اللي عندك، وخدي بالك إنك تحشي قلب الحمام، وبين الجلد واللحم ومنطقة الرقبة واغلقيه بخلة الأسنان .
7- اسلقي الحمام بعد ما تحشيه في ميه مغلية مضاف لها ورق اللاورا والحبهان وحبوب الفلفل الأسود والملح والفلفل وبهارات اللحمة.
8- سيبي الحمام على النار لمدة 20 دقيقة أو لغاية ما تلاقيه استوى، وبعد كده شيليه وحطّيه في مصفاة ورشّي عليه شوية فلفل أسود.
9- حمّري الحمام في السمنة والزيت، وبعد كده ارفعيه على مناديل ورق علشان تتشرّب الزيت.
ودا لينك قناه اليوتيوب
