طريقه عمل البان كيك, يعد البان كيك من وصفات المطبخ الامريكي ولكن يتميز بحبه الشديد لدي العرب
والاقبال عليه ونقدم لكي اليوم طريقه عمل البان كيك باسهل الطرق واسرعها
البان كيك
المكونات
- – كبايه ونص دقيق متعدد الاستخدامات
- – 2 معلقه صغيره سكر
- – 2 معلقه صغيره بيكينج بودر
- – معلقه صغيره بيكينج صودا (كربوباتو)
- – ربع معلقه صغيره ملح
- – معلقه صغيره فانيليا
- – كباية حليب دافي
- – بيضتين كبار
- – ربع كباية زبده مذابه
![طريقه عمل البان كيك](http://thatrue.com/wp-content/uploads/2021/05/download-6.jpg)
طريقه التحضير
– في طبق كبير هننخل الدقيق مع البيكينج بودر والبيكنج صودا والسكر والملح والفانيليا.
– نضرب البيض لحد ما ينفش وبعدين نضيف الحليب والزبده المذابه ونخفقهم كويس وبعدين نضيف خليط الدقيق ونخفقهم تاني لحد ما العجينه تبقى متماسكه ومش سايله اوي.
– نسخن طاسه تيفال على نار متوسطه وندهنها بنقطتين زيت او زبده وناخد شويه من العجينه بمغرفه صغيره وننزل بيها في نص الطاسه.
– نوطي النار خالص واول ما اللون يبقى دهبي نقلبه على الوش التاني لحد ما يحمر.
– ملحوظه: لازم نمسح الطاسه بفوطه نضيفه وندهنها بنقطتين زيت او زبده بين كل واحده والتانيه.
– بعد ما نخلص الكميه كلها ممكن نقدمه مع النوتيلا او العسل والفواكه.
طريقه عمل البان كيك
طريقه عمل الوافل
المكونات
- كوب دقيق
- كوب الا ربع حليب
- نصف كوب سكر
- بيضة
- ربع كوب زبدة
- رشة ملح
- معلقة صغيرة فانيليا
- معلقة صغيرة بيكنج بودر
طريقه التحضير
طبق كبير ننخل الدقيق ونضيف عليه السكر والفانيليا والملح والبيكنج بودر ونخلطهم كويس
نخفق البيض ونضيف الحليب والزبدة لحد يمتزجوا مع بعض
نضيف خليط السكر والدقيق والملح والفانيليا والبيكنج بودر الى البيض والحليب والزبدة ونستمر بالخفق لحد ما تتشكل عجينة سائلة
نضع العجينة في الثلاجة لمدة 3 ساعات
ندهن قالب الوافل بقليل من الزيت ونستنى لحد ما درجة حرارته تبقى مناسبة
نصب خليط الوافل في القالب بواسطة مغرفة ونملى ثلثين القالب تقريبا
نستنى كام ثانية ونقفل غطاء القالب ونستنى عدة دقائق حسب الجهاز لحد ما الوافل يكتسب اللون الذهبي
خرجي الوافل من القالب وزينيه بالكريمة المخفوقة او صوص الشوكولاتة او قطع الفواكه وقدميه
ملحوظة:
يمكن عمل الوافلز بالشوكولاتة: يضاف 3 معالق كبار كاكاو مع قليل من الحليب وتقلب مع الخليط السابق .
ودا لينك قناه اليوتيوب